|
मानव अधिकारया विश्वव्यापी घोषणा–पौ (Universal Declaration of Human Rights in Nepal Bhasa)
|
न्ह्यखँ
मानव परिवारया सकलें दुजःतय्गु आत्मसम्मान व उमित सदां हे दयेमाःगु समानताया अधिकारतय्त मान्यता बीगु हे विश्वय् स्वतन्त्रता, न्याय व शान्तिया आधार खः । उकिं,
मानव अधिकारप्रति अवहेलना व अनादरया लिच्वः कथं हे मानव जातिया मर्मय् हे घाः लाकीगु ग्यानापुसेच्वंगु ज्या जूगु खः । मानव जातिं थःगु आस्थाया धर्म माने यायेगु, न्ववायेगु, च्वयेगु लिसें ग्याःचिकु व मगाःमचाःपाखें मुक्त अनुभूत याये दइगु विश्वया निर्माण हे सर्वसाधारण जनताया उच्चतम आकांक्षा खः । उकिं,
अत्याचार व दमनयात चीकेगु अन्तिम बाध्यकारी उपाय विद्रोह हे खः धकाः मनूतय्सं तायेके म्वाःलेमा । उकियां निंतिं विधिया शासनपाखें मानव अधिकारया संरक्षण यायेगु अत्यावश्यक जू । उकिं,
राष्ट्रतय्गु दथुइ मैत्रीपूर्ण स्वापूया विकास मयासें मगाः । उकिं,
संयुक्त राष्ट्र संघया जनतां बडापत्रय् उल्लेखित आधारभूत मानव अधिकार, व्यक्तिया प्रतिष्ठा व मूल्य मान्यता, मिसा व मिजं दथुइ समान अधिकारय् थःगु विश्वास प्रकट यासें अझ अप्वः स्वतन्त्रताया आधारय् सामाजिक प्रगति व अझ उच्चस्तरीय जीवनस्तर प्रबर्द्धन यायेत प्रतिवद्ध जूगु दु । उकिं,
दुजः राष्ट्रतय्सं संयुक्त राष्ट्र संघया सहकार्यय् मानव अधिकार व आधारभूत स्वतन्त्रता प्रतिया विश्वव्यापी सम्मान व पालना प्रति प्रतिवद्धता जाहेर याःगु दु । उकिं,
थ्व प्रतिवद्धता पूवंकेया निंतिं थुगु अधिकार व स्वतन्त्रता बारे जानकारी व बोध यायेमाःगु जूगुलिं,
महासभां
थ्व घोषणा याइ कि,
मानव अधिकारया थ्व विश्वव्यापी घोषणा फुक्क देश व फुक्क जनताया मंकाः सफलता खः । थुकिया उद्देश्य थ्वहे खः कि प्रत्येक मनू व समाजया प्रत्येक इकाइं थुगु घोषणायात सदां नुगलय् तयाः अध्यापन व शिक्षाया माध्यमपाखें थुगु अधिकार व स्वतन्त्रताप्रति सम्मानया भावना च्वजायेकेमा, व राष्ट्रिय एवं अन्तर्राष्ट्रिय प्रगतिशील लँपुपाखें सकल दुजः देय्या जनता व उमिगु क्षेत्राधिकार दुने लाःगु प्रदेशया जनतां थ्व अधिकार व स्वतन्त्रतायात मान्यता बियाः प्रभावकारी रुपं पालना यायेमा ।
#UDHR #UDHRTranslation #10516 #10514 #9360 #9361 #9361 #9357 #9359 #9358 #pair
#UDHR #Articles #Translated #1948 #10December #UNIC #UN
Universal Declaration of Human Rights (UDHR) in Nepal Bhasa
|
Publisher:
UN
,
(2018
) |
Type / Script:
Official Document
in Newari - नेवारि
|
Keywords:
HUMAN RIGHTS, HUMAN RIGHTS ACTIVISTS, HUMAN RIGHTS ADVANCEMENT, HUMAN RIGHTS EDUCATION, HUMAN RIGHTS IN ARMED CONFLICTS, HUMAN RIGHTS INDICATORS, HUMAN RIGHTS INSTITUTIONS, HUMAN RIGHTS MONITORING, HUMAN RIGHTS POLICY, HUMAN RIGHTS VIOLATIONS, SPECIAL PROCEDURES, WRITTEN COMMUNICATIONS, NEWARI
|
Thematic Group:
UN
:
International Peace and Security
|
Thesaurus:
14.02.02
- Human Rights
|
Reference Link:
|
|
|
** This document has been:
1582
times viewed
21
times downloaded. Feeder:
LAMAROHINI7@GMAIL COM
, Editor:
RAJENDRA MAN BANEPALI
, Auditor:
View Document History
|
|
|
|
|
|
|